Jowai: U montri ka chnat puræ puthi ka sorkar jylla, u Lahkmen Rymbui ynne ka sngi da wan pait wan sylli u ya ka Kiang Nangbah Government College chirup wa u MLA ka Jowai, u Wailadmiki Shylla wa u MDC ka Jowai North u Brightstar Chyrmang wa u Principal kani ka thaw puræ.
Neiliang ki heh kani ka chnat da wan u Principal Secretary ka chnat, u DP Wahlang, u Director ka Higher & Technical Education ka sorkar u AE Ambrose Marak, u Principal Consultant ka Rashtriya Uchchatar Siksha Abhiyan (RUSA) u R. Mawthoh, ki heh ka PWD (Building), wa kiwa yahkhmat ka KNGCSU.
Ha kani ka sngi da rai wa ya ka Boys Hostel wa ka Girls Hostel u wai noh ya ki ha u Naiynru uni u snem.
U Lahkmen da e ktien u leh wow kyrriah noh ya ka Higher Secondary Section ha u Naiynru cha Mynthong ha i yung wa da chna neibynta ka B.Ed College.
Da yaklam leh wow e kti noh ya ka kamra (Classroom) wa ar mala wa da e poisa da ka RUSA cha kani ka thaw puræ.
Ka ITEP (Integrated Teacher Education Programme) kawa man ka chnat puræ B.Ed wa em ha Mynthong, Jowai u kyrriah noh ya ka cha ka Kiang Nangbah Government College.
Discussion about this post