Jowai: Katkam wa pyntip ki pulit wa hadien wa poor i Video ha ki Social Media yei chah dat uwi u bru uwa ym tipmit da ki kattu katni ki khynroo, ki pulit da kem ki ya uwi na kini wa dat ya uni u bru.
Katkam ka takit ki pulit, ini da jia i haka 3 tarik uni u bnai heipor chi waje i sngi ha iwi i chnong wa em haka thaaiñ Ranikor, SWKH.
Uwa chah dat da yoh u wow yut na kini kiwa dat wei ym pu tip toh uwa neiwon tangwa nei klam u ha i Video toh uwa klam dei ktein Bangla.
Uwa chah kem da tip pyrtuid kam u Teiborlang Marweiñ wei ki pulit dang pynman ki yaka takit yow chem leh ya kiwi kiwa emkti wow dat ya uni u bru wa ym tipmit.
Uni u bru wa chah da ha ini i Video toh uwa ym em sap sula wei yei daw wa chah dat u ym pu tip.
Discussion about this post