Jowai: Hajrong ka khubor wa yatoh wa i khlaad u Rimistar Lamare (34 snem) naka chnong Thangrain uwa kreh kam u Jugali wa ka MePDCL ha ka chnong Maitdien ynnin i janmiet da yoh chooh ya ka yutip hajrong iwa jia heiyatoh wa ini waroh.
Ka yutip wa yoh da ong wa hadien wa ka bordiñ da thut ko da em i sñiawthooh yumut u Rimistar wa uwi na kiwa kreh (u wym pu yoh pyrtuid) uwa em ha ka Sub-Station wow tynyap ya ka bordiñ wow ye u chna pynmiat ya ka.
“Chwa wow ku hajrong u chrot bordiñ, da kynjoh ktien u Rimistar (deiwa phone) cha uwa em ha Sub-station wow pyntikna wa lada da dep tynyap ya ka bordiñ namo ympu em, tangwa manda ku u ha u chrot wei manda tba u ya ki sainar (wire) da chah riñ wot u,” da ong ki bru na ka chnong Thangraiñ kiwa em ha Civil Hospital Ialong heipor wa dang leh ya ka Post Mortem
Hawa yaklam wa u CEO ka MeECL, u SB Emdor da ong u wa neiliang ka yung krehkaam da dep phah takit ko yeini ha u AEE-SDO, u L. Sungoh wei dang yang ya ka bui hajrong ini deiwa pynrap wa daw e yarap cha ka yung ka sem u Rimistar.
Ynne ka sngi kiwa hayung hasem u Rimistar da wan thooh ki yei metyap yong oo na Civil Hospital Ialong kiwa da pynsñiaw yei mynsien sñiawsih hajrong ini iwa da jia.
“Uni u bru toh uwa dooh hanlada kreh u yeini i kaam, kattu yi wow psa ya ka yung yong oo? Da kylli uwi na kiwa na ka chnong Thangrain uwa man leh u sahep sorkar na kani ka thaaiñ u wym kwah wow pynmih pyrtuid.
Also Read: Khlaad uwa kreh ka MePDCL hadien wa chah riñ bordiñ ha Maitdien, WJH
Discussion about this post