Jowai: Ha kani ka tayaw wa dep sngi Hat ka 7 tarik ka Umchangiar Socio-Cultural Club leh da pyndep ko ya ka Baamphalar heiwa da wan wow wai ya ka da u A. Andrew Shullai, MDC, JHADC.
Ha ka yalang yahkhmat yong kani ka Baamphalar hei pynlai u Yoomio Najiar da yoh u ap u sñiaw yei klam chaphang ka Baamphlar na u P. Talang kam uwi na ki waheh wasian ka kyntoit Umchangiar, i klam na uwa thoh ya ka drama u Deisar Bareh wa kamjooh leh ki kyntien e mynsien wei kitbok kitrwiang na u Andrew Shullai kam u kongsan.
Ka drama kawa da yoh u yoo u sakhi da ki wa boon walang ha uni u snem yong kani ka Baamphalar toh kawa pyrtuid “Da kam–Da Bynta” wa da thoh wei pyntoh pyntne da u Deisar Bareh heiwa ka parom ha lyndet toh kawa klam wa khana yei maya yong ki chijur iwa hapyrdi i angnood yooluti yong ki wow yoh yei kmen i sñniawbha tkut syndet u kynjri i maya du chiteiñ por heiwa kani ka parom da pynchoh ko hadooh kattæ yei man wei sñia wa yong kiwa wan sakhi.
Discussion about this post