Shillong: U montri rangbah ka jylla, u Conrad K Sangma ynne da wai i ya ka Zila Sainik Welfare Office, Tura ha yung krehkaam u Deputy Commissioner wow pait yei eh i khoo yong ki chiphai kiwa da chong-ngiah (ex-servicemen), wa ki kurim wa ki khon yong ki kiwa na ki san tylli ki district ka ri-loom Garo.
Da ong u wa ka Zila Sainik Welfare Office, Tura daw yarap ko chiboon ya ki ex-servicemen, na ri-loom Garo. Da kyntu u leh ya ki wow pynneh yei man i long kani ka thaw krehkaam deiwa ekhublei leh ya ka GAD, Meghalaya wa ka Directorate Sainik Welfare, Meghalaya kiwa da kreh khlem chong ngiah wow pyndep yeini.
Da pyntip u leh wa ka sorkar kreh ko chirup wa ka wa ka Directorate Sainik Welfare, Meghalaya wow chna ya ki Health Clinic wa ka Canteen neibynta yong ki.
Ha kani ka sngi da emlang leh u montri ka chnat GAD, Meghalaya, u Comingone Ymbon uwa da yaroh ya ka Zila Sainik Welfare Office, Tura deiwa ong wa daw yarap bha ko ya ki Ex-Servicemen, ki kurim yong ki kamjooh ya ki khon yong ki.
Da emlang leh u Thomas A Sangma, Adviser to the Chief Minister, ka MLA ka Selsella, ka Ferlene A Sangma, Chief Secretary, P Thangkhiew, Additional Chief Secretary, R V Suchiang, Deputy Commissioner, West Garo Hills, Ram Singh wa u Director, Sainik Welfare.
Discussion about this post