Jowai : Ynne i step ka 23 tarik ki dkhot ka Jaiñtia Fishing & Environment Protection Association da hiar ki cha ka wah Myntu yow li pait li sylli ya ki yung, ki thaw sait kari wa ki dukan wa pyllait ait, pyllai jhep wa kiwi cha kani ka wah.
Heini i lai li thooh bniah ha ka thaw hajan ka yingkieñ wa em harood ka sarok NH-44 ka seiñ da yoh ko u chem ya kiwa boon ki paikhana na ki yung ki bru wa em pyn harood um wa ki dooid wa lai na ki yung wa em harood cha ka wah.
Da yoh leh u kem ya uwi wa tong sasi wei da chem ki leh wa kawi ka thaw sait kari heiwa waroh ka um tngit wa mih na ka lai ko cha ka wah Myntu ym em u pynkhooid ya ka katkam wa da mana da ki bor district.
Ha ki yung wa boon wa em heini da chem leh wa boon taan um ki na ki um wa mih cha jan ka wah wa pynyoo wa pyn neini leh ka wah Myntdu da man ka kawa ym hoi de u pynemkaam hei chet i tu.
Heini wa kamjooh ha Treyongriang ka seiñ da chem ko ya kiwa boon kiwa sait thad ha um kawa pynsih joor ya ka wah.
Kamtæ ka seiñ da rai ki u chong committee yow lai cha khmat katkam ka aiñ ya ki waroh wa chem kiwa leh bakla hei yatoh wa ka wah Myntdu.
Discussion about this post