New Delhi: Ka yachem ki montri ka sorkar pyrdi namo ka Union Cabinet Meeting wa pynman ynne ka sngi ha New Delhi da chim ki yaka rai wow pynneh yaka President’s Rule ha jylla Jammu & Kashmir sa 6 bnai ka wow sdang nadooh ka 03-07-19.
Deiwa pyrkhat ya i long i man kani ka jylla wei katkam ka bui (Report) wa yoh na u Lat kani ka jylla, ka Union Cabinet, wa khlieh da u Prime Minister u Narendra Modi da mynjur ki wow pteiñ yaka President’s Rule ha Jammu & Kashmir sa 6 bnai hapoh ka Article 356(4) ka Constitution ka ri India.
Ka President’s Rule kawa da krehkaam chwa katni u kut ko haka 02-07-19 wei katkam wa da tyrwa da u Lat toh u pteiñ ka sa 6 bnai nadooh ka 03-07-19.
Ya kani ka rai daw wanrah leh hakhmat Parliament yow yoh yaka monjur naka Lok Sahbha waka Rajya Sabha.
Kam wow pynkynmoo wa u Lat ka jylla Jammu & Kashmir da chimkti u yaka jylla haka 20-06-2018 hapoh ka Section 92 ka Constitution ka Jammu & Kashmir deiwa yoh monjur na u President ka ri India, wei da khlieh noh u Lat yaka jylla wei yaka State Assembly nyngkong da pynsangeh yaka chipor tangwa haka 21-11-2018 da pyndam yaka da u Lat ka jylla.
Ka President’s Rule toh ka wow neh 6 bnai kawa kut haka 19-12-2018 hadien 6 bnai katkam ka Section 92 ka Constitution ka Jammu & Kashmir tangwa neiliang u Lat da tyrwa u wow pteiñ yaka deiwa pyrkhat yei rukom man ka jylla, heiwa u President ka ri da pynmih hukum u wow pteiñ yaka President’s Rule hapoh ka Article 356 ka Constitution ka ri India.
Kamtæ haka ka Lok Sabha haka 28-12-2018 waka Rajya Sabha haka 03-01-2019 da mynjur ki ya ini.
Discussion about this post