15 49.0138 8.38624 1 1 4000 1 https://wyrta.com 300 0

Daw pynchitom ya ki Doctor wa e laad wow dai ya ki masi wym biang u baam ki paidbah

0 Comments

Shillong: U symbood montri rangbah ka Meghalaya uwa pait leh yaka chnat Veterinary & Animal Husbandry, u Prestone Tynsong da ong u wa ka sorkar jylla da phah ki ya waroh ki bor pynlai District, wa kynthup ya ki DC wa ki SP wow pyntikna wym em kawon kawon ka challan tooh ya ki masi cha Bangladesh.

Da pyntip u leh wa ka sorkar da phah ko leh ya u IG ki BSF wow pynjoor yei sonteri tymbud u pood waka Bangladesh wow yada na i khayi tooh ya ki masi.

Heiyatoh won wa i sangeh thied masi wow choh doh ka Khasi Jaintia Butcher’s Welfare Association (KJBWA) neidaw wa pyrchah ya i challan tooh yaki masi, u Tynsong da ong u wa kiwon kiwon ki seiñ ym toh u yooluti ki wow leh ka sorkar waroh i jait wei ki leh toh u em ki ka kitklieh wow sylli pyn da ki yaki kaam pyrchah aiñ yow yoh yutip yeiwa jia. Da ong u wa lada ki suba ki næ chem ki ya kiwon kiwon ki kari kit masi pyrchah aiñ wow pyntip ki cha ki pulit wei ka aiñ daw leh ko ya iwa emkaam.

Hawa yatoh won wa da sangeh u choh doh yong kani ka seiñ kattu la 6 sngi kawa da ktah leh ya ki paidbah wa baam doh masi, neiliang u Prestone da kyntu u ya kiwa choh doh wow sangeh noh ya kani ka yakhih wei wow pteiñ ya ka kaam ki kawa man ka sngi khnang wa ym ktah ko ya ki paidbah. Da kyntu u leh yaka KJBWA wow wan chakhmat wow krehlang waka sorkar yow pynbha yaka kaam.

Hajrong i pynbaad yong ka KJBWA wa ki masi wa dai cha ki toh kiwa em kjut kiwa da chah kyntait, tangwa neiliang ka chnat Veterinary & Animal Husbandry da e ko yaki Certificate wa man ki kiwa chait wa khiah kiwa hoi u baam ya kawa da soi du da uwi u bru, neiliang u Prestone da ong u wa lada em kiwon kiwon ki ujor toh u wanrah ki cha ka chnat wei ka sorkar daw pynchitom ko ya kiwa emkti neibhah da dep thung leh da u Doctor wow pyntikna wa ki masi kiwa baam man ki kiwa biang yaki paidbah.

Advertisement ad1

0 Comments

Leave a Reply