Joiwa: Ka Moore Wellson Youth Training Centre Co-operative Society Ltd. Qualapatty Shillong deiwa ya krehlang waka Jingiaseng Samla Balang U Blei (Meghalaya & Assam) da lehkmen ki yaka International Day against Drug Abuse and Illicit Trafficking ynne ka sngi ha madan JN Sports Complex, Polo Shillong.
Ha kani ka sngi da emlang u Teibor Pathaw, EM, KHADC kam u kongsan, u Rev. Dr. O.L. Snaitang kam u symbood kongsan wa ki Pastor yong ka Balang U Blei (M&A). Da yoh leh yei klam heiyatoh i sih wa mih na i dih drug na u Rev. A. Mihsill, Rev. Dr. O.L. Snaitang wa na u T. Pathaw. Da yoh leh ya ka rwai wa kyrpang na ka Music Ministry Jingiaseng Samla Balang U Blei (M&A)
Ha kani ka lehkmen ya ka International Day against Drug Abuse and Illicit Trafficking, da chimbynta da ki khynnah skur ka Nora Evalyne Higher Secondary School Qualapatty, ka J.J.M. Nichols-Roy College Qualapatty deilang wa ki spah ngut ki khynroo khyllood kiwa da yawan lang na ki yaseiñ khynroo waphær waphær yong ka Balang U Blei (M&A).
Ha kani ka sngi da pynman leh yaka yalehbol hapyrdi ki khynroo ka Balang U Blei (M&A).
Ka khubor cha ki khynroo khyllood ka ri wa ka jaitbru yong i toh wow yait wow yut le loom le wah na i dih drugs wei wow im deiwa lait na ki kaam sih.
Ha kani ka sngi da pynman leh yaka ngooh blai wa kyrpang neibynta ki khynroo khyllood kiwa da toh hei dih drug kamjooh ya kitu kiwa lait na i chah kdoh ha u drug da u Rev. Dr. A.C. Moore.
Discussion about this post