15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Khang ka Assembly Committee on Environment yaka JNV, Mawphlang

0 Comments
Advertisement ad1
Advertisement ad1
Advertisement ad1

Shillong: Ka Assembly Committee on Environment (CoE) da rai ko wow khang yaka Jawahar Navodaya Vidyalaya (JNV) ha Mawphlang neidaw wym krehkaam ka Sewage Treatment Plant namo i pynkhooid ya i jakhlai wa mih na kani ka thaw puræ.

“Lada ym ye u pynkrehkaam ya kani ka Sewage Treatment Plant, kani ka skur hap ko wow e chuti ya ki khynnah,” da ong u Chairman ka CoE uwa man leh u MLA ka Mawphlang MLA, u SK Sunn.  

Kamwa man kattæ ym pu em sdang skur neidaw wa dang toh i por chuti.

Kam wow pynkynmoo wa ynnin ka sngi, ka Assembly Committee da lai ko cha kani ka skur wei da chem wa i jakhlai wa mih na kani ka skur da tooid ki cha ka wah wa taan um yaka Greater Shillong Water Supply Scheme.

Ka Assembly Committee on Environment ynne ka sngi da beiñ ki leh ya ki Hospital kiwa em ha sor Shillong wa ym em ki ya ki thaw thang ya i jakhlia (Bio Medical Wastes) heiwa du ka NEIGRIHMS wa em ya kam kani.

Ka Committee leh da pynsñiaw ko yei sñiawkhia wa ym em Effluent Treatment Plants ki Hospital wa em ha sor. 

Ka CoE da pyntip ko leh wa ka chnat Mining and Geology nadooh u snem 2015-2019 da pyllang ko T. 430 klur na i challan mooyong kiwa toh u pynemkaam wow pynmim biang ya ki thaw tih mooyong katkam ki kyndon ka NGT.

“Da ong ya ki leh wa toh u yaklam wa ki wa kiwi ki chnat sorkar kam ka Water Resources, Forest, Agriculture heiyatoh wa kani ka kaam,” da ong u CoE Chairman.

U dkhot ka CoE u Himalaya Shangpliang da pyntip u wa ka Committee da pait ki leh yei rukom krehkaam ka Meghalaya State Pollution Control Board (MSPCB) kiwa ym ye wow pait tang yei mih tdem na ki kari.

“I chimkhia i yeini wym ye ka chnat Transport waka MSPCB wow tuklar yei rukom mih tdem iwa da wanrah yei tngit ka la-ær wei da e por ya ki 15 sngi wow e yaka Report wa hadooh katwon tylli ki kari wa da chah pynchitom kiwa pynmih tdem rong yong,” da ong u Shangpliang.

U Shangpliang da pyntip u leh wa ki dkhot ka Committee da yaklam ki leh heiyatoh waka Water Policy.

Da ong ki leh wa emkaam ka Water Resources Department wow pynkhooid yaka Wah Umkhrah wa Umshyrpi hapoh ka sor wa yaka wah Lukha wa em ha ri-loom Jaiñtia kiwa man kiwa tngit bha.

“Ka Umiam toh kawa em hei ma wei da phah yaka Water Resources Department wow pynkhreh ki kammon wow pynkhooid ya kini ki um waroh,” da ong chooh chooh u Shangpliang. 

Share this:
Previous

Lehkmen ka yaseiñ khynroo ka Balang u Blei (M&A) yaka International Day against Drug Abuse and Illicit Trafficking

Next

Daw pynman biang yaka Meghalaya Baby League ha uni u snem ha ki 6 tylli ki District