Yah bakla ka sorkar ya kiwa khih mooyong khlem puræ yaka hukum ka Supreme Court: Mukul

Shillong: Uwa yahkhmat ka liang pyrchah u Dr. Mukul Sangma ynne ka sngi da beiñ joor u ya ka sorkar jylla wa yah bakla ko ya ki paidbah hei yatoh waka rai ka Supreme Court ya u mooyong deiwa pynbaad ya u montri rangbah u Conrad Sangma ya waroh kani ka “Tamasha”.

“Man ko kawa yoo sarom wa ya kani ka Tamasha da sdang pyn da u montri rangbah hi,” da ong u Mukul hadien ka yalang ka Congress Legislature Party (CLP) kawa pynman ynne ka janmiet.

U Mukul da pynbaad u wa ka sorkar khlem da puræ ya ka rai ka Supreme Court, da sdang ki wow chna ka yong ki hi ka parom ha ki Social Media.

“Ka sorkar da e yutip ko da iwa bakla ya kiwa khih mooyong wa da chah biang wow tih mooyong hapoh ka jylla kamwa jooh,” da ong u Mukul.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u leh man ko kawa sarom wa ka Supreme Court ym chaniah ko yaka sorkar jylla hadooh wa da e kti cha ka Coal India Limited wow dai ya u mooyong wa da dep tih.

Da kdaw u leh wa haka Report (bui) u Retired Justice BP Katoki da ong ko wa i tih mooyong pyrchah ya ka aiñ dang pteiñ hi ko.

Chooh chooh da ong u wa heithaw wa ka sorkar u boodien ko ya ka rai (Resolution) wa da chim ka Assembly yow pynlait yaka Meghalaya naka aiñ Coal Mines Nationalization Act, 1973 waka Mines and Minerals (Development and Regulations) Act, da boonkaam ki du wow pynkhreh hadooh katwon em u mooyong wa da dep tip yow pynchlur yow tih mooyong pyrchah ya ka aiñ.

“I daw dawa i wow pyntikna wa u mooyong wa da dep tip em sakhit u næ ym em katkam wa da kam ka sorkar yow lait na i tih mooyong pyrchah ya ka aiñ,” da ong u heh ka liang pyrchah.

Da ong u leh wa kattu kammon kiwa khih moyong kiwa khian wa nai u ye ki wow bood katkam ka aiñ.