Khliehriat: U montri wa pait ya ka chnat Fisheries, u Comingone Ymbon ynne da pynman u ya ka Review Meeting waka Fisheries Department ka East Jaintia Hills District, Khliehriat yow boodien yei krehkaam kani ka chnat sorkar.
Da emlang leh u S.S. Syiemlieh, MCS, Additional Deputy Commissioner East Jaintia Hills District, ka D.M. Suja, MCS, Additional Deputy Commissioner East Jaintia Hills District, u S. Marwein, MCS, EAC, Khliehriat, u Ivan Marbaniang, Co- Chairman Meghalaya Fish Farmer Development Agency Government of Meghalaya, ka A.L Mawlong, MCS, Director of Fisheries, Shillong, kamjooh ki sahep wa kiwa kreh ka chnat Fisheries.
Ka Clari Challam, Fishery Officer da e ko da PowerPoint Presentation yei pynkrehkaam ya kiwa boon ki Scheme hapoh ka Meghalaya State Aquaculture Mission (MSAM) kamjooh kiwi ki Scheme wa wan naka sorkar pyrdi kiwa da pynkrehkaam hapoh ka District. Da pynoo wa hadooh katwon tylli ki kaam wa da ye u pyndep wei kamjooh katwon tylli kiwa da hap wow pyndam, katwon ngut ki bru wa da yoh myntoi wa i chitom wa yachem ki wow pynkrehkaam ya ki Scheme.
Neiliang u montri da banjoor yeiwa emkaam wow jied ya kiwa yoh myntoi yow lait u sepia yow yoh myntoi kiwa toh hok wow yoh myntoi.
Da kyntu u leh ya kiwa kreh wa lai wa em cha ki thaw wa pykrehkaam ya ki Scheme kam ki Field Demonstrators wow kreh chitom ki wow pyntikna wa ki lai bait i pynkrehkaam ya ki Scheme.
Heiyatoh won wa i mih khubor wa Inject Formalin ya ki dakha wa poi chapoh ka jylla, u montri da ong u wa emkaam wow em ka Formalin Testing Laboratory yow chem ya ini yow lait u chah ktah i chait i khiah ki paidbah wa baam dakha. Heijooh i por da ong u wa i bor pynmih dakha hapoh ka jylla dang duna bha ko wei emkaam wow pynku yeiwa pynmih dakha yow lait wow chim ya ki dakha na kiwi ki jylla.
Da ong u leh wa yow poi cha kani ka thong chong ko waroh ha ka chnat wow pynkrehkaam ya ka Scheme kawa daw wanrah chiboon ki myntoi ya ki paidbah.
Ka A.L. Mawlong, MCS, Director of Fisheries hei klam yong ka da ong ko wa emkaam leh i krehlang wa kiwi ki chnat sorkar yow poi cha ka thong.
U I. Marbaniang, Co- Chairman Meghalaya Fish Farmer Development Agency, Government of Meghalaya da pynchlur u ya ki wakreh ka chnat wow pynman ya ki pynsñiawthooh paidbah chaphang ki Scheme.
Hadien wa kut ka yalang da lai pait ya ki kattu katni ki thaw wa pynkrehkaam kani ka chnat deiwa emlang u montri heiwa da lai cha ki thaaiñ ka Khliehriat wa Wapung wa em ki nan dakha wa ki thaw chna baam dakha wa da sdang da ka chnat Fisheries Department hapoh ka District.
Discussion about this post