Khang pyrchah ka chnong Mookaswan ya kiwa yoh kurim dang khian i rta

Jowai : Ka Dorbar Chnong Mookaswan, West Jaiñtia Hills da rai ki u khang pyrchah ya kiwa yoh kurim yoh khon hapoh i rta wa da khang ka aiñ wei daw e kti yakam kini cha ka aiñ lada chem ya ki.

Ya ini i rai da chim ka Dorbar Chnong hadien wa chem ko wa boon ki khynnah kynthai da punkhon ki hapoh i rta 18 snem wei ini wanrah i ya ki eh wa boon jait nadooh i chah ieh ki ha ki kurim ki, ki khon man ki kiwa chah ieh beiñ, ka manbei da haap ki u ieh yei puræ puthi kamjooh leh ym em khih ki u psan ya ki khon yong ki.

Kamtæ ka Dorbar Chnong da pyntip ko wa daw pyllai ko yeini i kaam katkam ka aiñ ka ri ka wa ong ya ki kynthai toh u dap ki 18 snem katwa ya ki chnyrang toh u dap ki 21 snem yow ye ki u chong kha chnong man wei daw e kti cha ka aiñ ya kiwa ym bood ya ini i kydnon.

Ini toh katkam wa pynmih khubor da u Blein Shylla, Waheh Chnong ka Mookaswan.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024