Wanrah Bill ka KHADC yow pynku tulop ya ki MDC

Shillong: Ka yung dorbar ka Khasi Hills Autonomous District Council (KHADC) ynne ka sngi da wanrah ki ya ka Bill wow pynku tulop ya ki MDC cha ka T. 1 lak tam chi bnai.

Ya ka Khasi Hills Autonomous District Council Members (Salaries and Allowances) (Ninth Amendment), Bill, 2019 da wanrah da u Deputy CEM ka Council u Pyniaid Sing Syiem uwa pait leh ya ka muna poisa ka Council.

Ya kani ka pynku tulop da leh katkam ki kyndon ka Fifth Pay Commission deiwa chim ya ka rukom wow pynku 2.68 chah ya kawa katni.

Katkam kani ka Bill, ki MDC ka KHADC u yoh ki ya ka tulop T. 1,09,100 chi bnai, kawa nachwa kawa man T. 33, 250 waka TA wa T. 5000. Da ini i pynku da poi ka tulop da ku cha ka T. 89,100 wa ka TA  kawa T. 20,000.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da wanrah leh ya ka Bill wow pynku tulop ya u CEM, Dy. CEM, Chairman, Deputy Chairman, ki EM wei kamjooh ya kiwa yahkhmat ka liang pyrchah.

U Chief Executive Member (CEM) u yoh u T. 1,26,900, na iwa yoh u katni kawa T. 39,900 nalor ka T. 5000 kam ka bai yung. Ka tulop thymme da pynku cha ka T. 1,26,900 katwa ka bai yung u man noh ko T. 20,000.

U Deputy CEM, Chairman ka KHADC wa uwa yahkhmat ka liang pyrchah u yoh ki T. 1, 22,300 chi bnai.

Katni u u Deputy CEM yoh u T. 38,570 wei ka bai yung man ko T. 4,500. Hawa pynku thymme, u yoh u T. 1,03,300 wa ka bai yung T. 19,000 kawa man waroh T. 1,22,300.

Katwa ka tulop ki Executive Member (EM) u yoh ki T. 1,16,800. Ki EM katni yoh ki T. 37,240 wa ka bai yung T. 3500.  Da ini i pynku daw yoh ki T. 99, 800 nalor ka bai yung wa T. 17,000 chi bnai.