Uwi u bru wa myllien u chna poisa na kiwa dai baam hapoh Railway Station deiwa pynbaad wa i baam wa dai ki em ki ym toh kiwa biang hadooh wa em leh kiwa chet lang wa ki khniang wei yow lait u lai ujor pyrchah ya ki da paan u da ka poisa na kiwa dai baam wei ha kani tayaw ki pulit ka Railway Protection Force (RPF) ka Guntakal Division da kem ki ya oo.
Uni u bru wa chah pynbaad da tip pyrtuid kam u Sunder Pal, uwa da pyrchang wow chukor ya kiwa kreh Railway deiwa ong wa chem u da u ramachieh ha i baam Vegetable Biryani wa thied u hapoh Railway Station. Da kam u leh wa da yoh kjut u na ini i baam hadooh wa hap rah ya oo cha Railway Hospital wa em ha kani ka thaw da pyntip ki RPF.
Hadien wa pynman yaka takit, ki sahep ka Railway da suba ki wa uni u bru ym em khana hok u hadien wa da em wa jia kam ini i jooh ha Jabalpur Railway Station, heiwa da em uwi u bru wa ujor wa em ramachieh ha u Samosa wa baam u, hadien ini da chem wa uni u jooh u bru.
Da em leh sa iwi wa jia ha Miraj Railway Station heiwa da em u bru wa ujor wa chem u da ka Blade khi tmain haka pliang wa baam Idly u wei ha ini i jia uwa ujor toh u Pal uwa da maham leh ya ki kiwa dai baam.
Kamtæ ki wakreh ka Railway da ieñ ki oo deiwa yarap uwi wa dai dukan wei hadien wa u Pal da leh u ya ki kaam wa jooh myllien u, u tre dukan da tyrwa u da ka poisa ya u Pal yow lait u pyntip cha ki sahep ka Railway wei manda chim u yaka poisa da kem ya oo.
Discussion about this post