Jowai: Kiwa kitkaam yong ka UDP 4-Mowkaiaw Constituency da pynsñiaw ki yei sñiawsih khtang wa dooh ya uwa yahkhmat rangbah dooh yong ka Party UDP, uwa khlaad ha ka 28 tarik.
“I kam kiwa yahkhmat yong ka UDP 4-Mowkaiaw Constituency i pynsñiaw i yei dooh nong chiboon na i khlaad u Dr. Donkupar Roy uwa man leh uwa yahkhmat uwa yieñskem ka yurim wei man u leh uwa yahkhmat u wym jooh kwah yei myntoi samen,” ong u Eleazer C Dkhar President UDP 4-Mowkaiaw Constituency.
Neiliang kiwa kitkaam yong ka UDP 4-Mowkaiaw Constituency da phah ki leh ya ka khubor sñiawlem cha kiwa ha yung ha sem u Dr. Donkupar Roy wa u Blai u emlang u wa ki yow man ka manyung mansem kawa chong suk kawa kmen chirta i im.
Discussion about this post