Jowai: Ka East Jaiñtia National Council (EJNC)-Central Executive Council, da pynsñiaw ko yei sñiawkhia kawa joor hajrong i sih palat yong u sarok Bah NH-6 khamtam hapoh East Jaiñtia Hills District, uwa dang dep wow chna daka NHAI lyngba yong ka GRIL.
Ka seiñ da ong ko wa i sih uni u sarok daw booh ko hei ma ya kiwa lai wa wan lyngba uni u sarok, man ko leh kawa sñiawsih wa da yoh ya i kreh tangdep yong ka NHAI lyngba ka GRIL ya uni u sarok, kamtæ ka EJNC da e por ko 30 sngi yaka NHAI waka GRIL wow chna pynmiat ya u sarok bah NH-6 khamtam hapoh EJHD.
Lada neiliang yong ka NHAI waka GRIL ym mano ko yeini i dawa yong ka seiñ, neibynta ka suk ka saiñ yong ki paidbah wa lai wa wan, neiliang yong ka seiñ ym yohsa ko wow pynyoo da i kaam hadien wa da kut noh i e por, ong u Sambormi Lyngdoh, President EJNC-CEC.
Ha iwi tawon i liang, ka EJNC ka kyrchaan pura ko yei e yumut Kynjaimon Amse waka ka seiñ HANM- EJHD wa toh u khang tala chwa yaka Toll Gate wa em ha Lumshnong kat wym dep u pynchna ya u sarok, wei ym em yumut wow chim bai lai bai wan naki paidbah wa lai luti lyngba uni u sarok bah lada man uwa sih.
Also Read: Katwa ym pu yoh ya ka sarok wa miat toh u khang chwa ya ka Toll Gate
Discussion about this post