15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Booh thong ka BJP wow pynpsiah dkhot palat 2 lak ngut chwa wow kut u Naisaphra

0 Comments
Advertisement ad1
Advertisement ad1

Shillong: Ka Bharatiya Janata Party (BJP) Meghalaya Unit da booh thong ko wow pynpsiah dkhot palat 2 lak ngut ha ka jylla hadooh wa kut uni u Naisaphra wow wan.

U Vice President ka BJP Meghalaya, u Arnes Mawrie uwa man leh u chongknor yong ka committee wow pynpsiah pyrtuid cha ka party BJP da ong u wa hadooh katni kiwa da psiah da kynjoh ki cha ka 94,000 ngut wei hawa kheiñlang wa kiwa da em chwa kiwa 43,000 ngut da kynjoh cha ka 1,37,000 ngut wa em ha ka Party katni.

U Mawrie da ong u wa ha Garo Hills kiwa psiah cha ka BJP da em ki ka 30,000 ngut, ha East Khasi Hills 40,000 ngut, ha Jaiñtia Hills 4,000 ngut katwa kiwa da psiah Online ha ka jylla da kynjoh ki cha ka 20,000 ngut.

Ini i pynpsiah pyrtuid cha ka party BJP da sdang i ha ka 6 tarik Naiynñiaw wei u kut i ha ka 11 Naisaphra uni u snem wei ini i pynpsiah pyrtuid da leh ha ka sngikha u Dr. Sham Prasad Mukherjee uwa man uwi na kiwa seiñ ya ka Party.

Kiwa psiah katni man ki du kam ki dkhot ka Party, tangwa ki wakreh ka Party ya i pyrtuid yong ki u sdang pynpsiah nadooh ka 12 Naisaphra wei kiwa psiah cha ka BJP toh na waroh ki jaitbru khlem da kheiñ ya ka niam.

Chooh chooh da ong u wa ini i pynpsiah dkhot waroh kiwa rim leh haap ki wow pynthymme yei man dkhot yong ki, wei kiwa ye wow pynpsiah dkhot palat 25 ngut u man ki kam ki Active Member heiwa ye ki wow yachimbynta wow man kam kiwa kitkaam ha ka Party.

Share this:
Previous

Ka NE waroh kawi dooh ko ya u bru wa khroo: Himanta

Next

E por ka EJNC 30 sngi wow chna pynmiat ya u NH-6