Shillong: Hadien wa hær ki khubor wa ka jylla Meghalaya em ko katni hei chitom poisa hadooh wa ki wakreh sorkar ym yoh tulop ki nadooh u Naisphra wow wan. U symbood montri rangbah, u Prestone Tynsong da ong u wa ka poisa em ko haka jylla wei ye hi u pynbiang tulop ya ki wakreh.
“I toh wow sñiawthooh wa ya ka mang poisa dang hap wow mynjur da ka Parliament. I chitom poisa ym du heini wei kamjooh ha waroh ki jylla ha ka ri India neidaw wa ym pyllait poisa,” ong u Tynsong.
Da pyntip u wa ka poisa wa da mang kam ka bhah yong ka Meghalaya ym pu em yoh katwa ym pu mynjur ya ka mang tyngka ha Parliament.
“I tip i wa ka mang tyngka ha Parliament da dep wow wanrah, wei kawa sah toh du wow mynjur ha kini ki sngi wow wan. Ha ka sngi wa da mynjur ya ka mang tyngka, ya ka bhah wa da mang cha ka jylla leh u pyllait noh,” ong u Prestone.
Discussion about this post