Nga sñiaw O kamwa da dooh biang ya u pa, joo umkhmat u CM

Shillong: U Montri Rangbah ka Meghalaya u Conrad K Sangma da joo umkhmat u jrup hawa klam e khublei khaddooh ya u Lamphang, u Dr. Donkupar Roy, deiwa ong wa sa chisien sñiaw kamwa da dooh biang ya u pa.

U Conrad u da ong u wa u Dr. Donkupar Roy ym em man u du uwa yahkhmat ha kani ka jylla, da man u leh kam u pa ya waroh, man u leh u Lamphang uwa pynlai bait ya ka dorbar ha kini ki por wa da dep neibhah ye u wow ap ya ka liang pyrchah wei e laad u leh ya ka liang synchaar wow jubab wei wow pynche.

Da ong u leh wa kam uwa yahkhmat ka Party UDP, man u u bru uwa skem i yumut wym e laad ya kiwon kiwon wow tuklar ya kiyi kiwa pyrchah ya ka Party, wei hapoh i yahkhmat yong oo ka UDP ka dang khlan ko ha ka krehkaam yong ka.

Chooh chooh da ong u wa kam u MLA, maya u yaka Constituency wa mihkhmat u, wei neidaw wa man u u bru wa leh khian, wot hawa man u kam u Montri Rangbah da jooh kyrpaad u ya ki montri ha ka sorkar wa ym toh u mylliñ ya ka Constituency yong oo.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Conrad da ong u wa u Dr. Donkupar toh uwa yahkhmat uwa booh hakhmat ya ki paidbah ka jylla, wei heipor wa yachem khaddooh wa oo ha ka thaw sumaar da kylli nyngkong u; kammon man ka jylla?