15 49.0138 8.38624 1 0 4000 1 https://wyrta.com 300 0

Phla u Dr. Mukul wa u Dr. Don rap suk u wow yahkhmat ya ka sorkar bar wow pynlai ya ka Congress

0 Comments
Advertisement ad1

Shillong: U Montri Rangbah warim uwa yahkhmat leh ya ka liang pyrchah, u Dr. Mukul Sangma da ong u wa u Dr. Donkupar Roy da kyntait u wow psiah cha ka Congress heipor wa lai tyrwa ya oo chwa wow man ka election MLA 2018 ha ka jylla.

Katkam wa ong u Dr Mukul, ha itu i por ka Congress da lai tyrwa ko ya oo wow psiah noh cha ka Congress neibhah wa ka jylla Meghalaya yachem ko i eh i khoo neidaw wym skem ka sorkar, tangwa neiliang u Dr. Don da jubab u wa rap suk ya oo wow yahkhmat u ya ka sorkar bar wow pynlai ya ka Congress.

Ya kini ki kyntien waroh da ong u Dr. Mukul ynne ka sngi kawa man leh ka sngi wow leh warom khaddooh ya i metyap u Dr. Don ha Sohra.

Da khana u wa hadien ka Election heipor wa ka Congress lai tyrwa ko wow yakrehlang wow chna sorkar ha jylla, u Donkupar Roy da klam che u wa dadep kular u wow kyrchaan ya kawi tawon ka liang. Da pynrap u leh wa lada poi biang i por wow haap yakrehlang neibynta i bha i miat ki paidbah wa ka jylla oo man u uwa smat wow kyrchaan ya ka Congress.

U Mukul da ong u leh wa u Dr. Donkupar Roy toh u bru wa skem ka yurim wei uwa ksoh yeiwa da kular, wei wa heipor wa yakreh wa u Dr. Don ha u snem 2010 da yoh u (Dr. Mukul) boon ki buit ki budia na uni u khroo pyrkhat.

U Dr. Mukul da pynkut u deiwa ong wa u Dr. Donkupar toh u bru uwa booh haphrang dooh ya ki paidbah wa ka jylla.

Advertisement ad1

0 Comments

Leave a Reply