Jowai : Ka lympung yakop Kickboxing kawa da tip kam ka 19th Meghalaya State Level Kickboxing Championship 2016 ka wow sdang nadooh ka 6 tarik uni u bnai daw pynman ya ka ha Khimusniang Indoor Sports Hall, Jowai hadien wa da dep pynman ya ka nadooh u snem 2001 ha Jowai.
Ha kani ka kynti da pdiang wei da kithlieh u pynman ya kani ka yakhun Kickboxing da ka West Jaiñtia Association of Kickboxing (WJAK).
Daw wan chimbynta na waroh ki district ka jylla Meghalaya kiwa da jaan dap 200 ngut. Ha ka yakop daw em nadooh kiwa dang 7 snem i rta hadooh kiwa 40 snem chynrang wa kynthai.
Da bynta ya ka yakop ha ka Point Fighting, Light Contact, Low Kick wa ka Full Contact.
I thmu wa kongsan dooh u pynman ya kani ka yakop Kickboxing toh yow elaad ya kiwa em i sap ha kani ka jait yalehke yow yoh ki laad u pynyoo paidbah ya kani ka jait yalehke wa boon dang duna bha yoh ki u sakhi.
Kamtæ da khut sñiawbha ya ki paidbah u wan sakhi ki ya kani ka Kickboxing Championship kawa ar sngi ha ka 6 wa ka 7 tarik uni u bnai. Ym haap su bai psiah ya kiwa wan paitke.
Discussion about this post