15 49.0138 8.38624 1 0 4000 1 https://wyrta.com 300 0
Advertisement ad1

Palat T. 47 Klur sah ka bai light ki tnat sorkar wa ym pu em su cha ka MePDCL
T. 3 klur sah du naka tnat PHE

0 Comments

Jowai : Ha ki ar district ka ri-loom Jaiñtia ka East wa ka West Jaiñtia Hills kiwa kynthup 19 tylli ki tnat sorkar ympu ye ki u su ki ya ki bill light ki yong ki kawa da lang hadooh T. 47,564,791 hadooh u Thohlakhmi (February) yong uni u snem.

Na waroh ki tnat sorkar, ka Public Health Engineering (PHE) ym em su ko hadooh T. 30,377,985 iwa kynthup ya ka bill wa mih na 51 tylli ki meter wa em ha West Jaiñtia Hills kawa da poi T. 18,232,439 wa 29 tylli ki meter wa em ha East Jaiñtia Hills kawa da poi T. 12,145,546.

Neiliang ki tnat ka Health wa kynthup ya ki PHC, CHC wa kiwi wa em hapoh East wa ka West Jaiñtia Hills da poi ka bill ki T. 4,159,247.

Ka Meghalaya Police ha waroh ki police station, out post wa kiwi kiwi dang sah sa T. 3,451,335 ka wa hap su ki.

Ki ophis wa pait ya ki kaam district (General Administration) ha pynar district ym pu dep su ki T. 3,205,873.

Ka tnat Education ha pynar district dang sah ki sa T. 2,615,243 wa ym pu em su ki.

Ka tnat Animal Husbandry & Veterinary won dang sah ko sa T. 1,516,071.

Kawa duna dooh na waroh toh ka Home Guard wa sah du T. 6,426.

Kani toh katkam i kheiñ wada yoh ka Jowai Revenue Division, MePDCL Jowai wei neiliang ki heh kani ka ophis ong ki wa lada ah ya light yong kini ki tnat sorkar wa boon daw chitom ki paidbah. Yeini i sah ka poisa da dep rah ha khmat u DC yow thooh laad kammon u yoh ka MePDCL ya ka poisa wa dang sah.

Yei daw wa ym em su kini ki tnat ka sorkar ym pu em che namo ki yang ki hadooh wa biang i rukom e light yow su ki!

Advertisement ad1

0 Comments

Leave a Reply