Jowai: Ka Independence Day Cup Under-16 Football Tournament wa pynman da ka WJDSA, kawa sdang nadooh ka 15 tarik Naiynñiaw, ynne ka sngi da pynman ya ar tylli ki yalehke Semi Final.
Haka yalehke wa nyngkong, ka Catholic Youth Mihmyntdu da jop ko yaka Pateinki Sabah da 2-0.
Ya ki kool da thap da u Tohhi Chyrmang haka minit wa 22 wa u Arwanki Rymbai haka minit 28.
Haka yalehke wa bood, ka Chiliangraij da jop ko yaka Ladthadlaboh da 2-1.
Ya ki kool ka Chiliangraij da thap da u Mebakynsai Pale haka minit wa 13 wa u Hamewan Rngad haka minit wa 27.
Yaka Ladthadlaboh da thap da u Derrick Lambert Kma haka minit wa 55.
Yaka Final hapyrdi ka Catholic Youth Mihmyntdu waka Chiliangraij u pynman haka 15 tarik uni u bnai hadien wa kut ka lehkmen Independence Day.
Discussion about this post