15 49.0138 8.38624 1 0 4000 1 https://wyrta.com 300 0

Pynkup burom ka Kur Dkhar ya ki 3 ngut wa leh bha haka SSLC wa HSSLC

0 Comments
Advertisement ad1

Jowai: Ka Seiñ Kur Dkhar Jowai Unit, kawa da seiñ hajrong ka yurim wow wanrah i yatylli i ya tipmit para kur, ynne ka sngi da pynkup burom ko ya ki 3 ngut ki khon khynroo khyllood yong ka kiwa da rah naam rah burom yaka kur haka Result SSLC waka HSSLC yong uni u snem wada pynbna daka MBOSE haka yalang wada pynman ha Yungwalieh ka Tpep-Pale.

Kini ki 3 ngut kynthup ki ya u Khroo Meda Dkhar uwa da yoh haka kyrdan 6th Position yong ka thup Top-10 haka Result HSSLC Result Science Stream naka skur KJP Synod Mihngi Higher Secondary School Jowai, ka Sufficient Dkhar wada yoh 1st Division 80% haka Result SSLC naka skur KJP Synod Mihngi Higher Secondary School Jowai waka Rossiness Dkhar kawa da yoh 1st Division 77% naka skur St. Marry Mazzarelo Girls Higher Secondary School, Jowai.

Advertisement ad1

U Adviser yong ka seiñ u Harwis C Dkhar hawa e yeiklam da pynsñiaw u hajrong i lai luti ka kur, wei da sneiñ kyntu haroh u yaki khon ka kur wow em ki i kitkhlieh neibynta ka kur dei wow wanmih man i por cha ki yalang kur. 

Neitæ won, kam ki khon khynroo khyllod ka kur toh u man kiwa ri yei akor salon hei im wa man ka sngi, wei kamwa im i haka juk stat wa katni, kyntu haroh u wow man kiwa syndong lyngba ki Social Media dei wow jied du yei wa bha donhi.

Kiwi won wa e i klam kynthup ka Iaraplang Dkhar, Moting Dkhar kiwa man ki Executive Member ka Seiñ Kur Dkhar, u Dawan Dkhar, Chairman Felicitation Committee wa kiwi haka yalang wada pynlai da u Emerick Dkhar kam u chong knor.

Da pynchong chit chooh chooh ya kani ka sngi da i rwai i chaad wada chimbynta daki khon khynroo khyllood ka kur.

Advertisement ad1

0 Comments

Leave a Reply