Shillong: Uwa yahkhmat ka NPP u Prestone Tynsong da ong u wa ym em i ya kular ktien wa ka chuki Lamphang u lai ko cha ka UDP tangwa heipor wa chna ya ka sorkar, u Dr. Donkupar Roy uwi na kiwa yahkhmat uwa da heh dooh, da pynsñiaw u wa smat u wow chimkti ya ka chuki Lamphang wei waroh ki lok ha ka MDA da kmen ki ya kani neidaw wa man u uwa da biang wow ksoh ya kani ka chuki.
Hawa kylli iyi i sñiaw hawa ka UDP ka pynsñiaw ko wa toh i bhah yong ka ya ka chuki u Lamphang, u Prestone da ong u wa ym phær iyi iyi leh neibhah wa kawon kawon ka Party kawa em ha ka MDA leh ye ki wow kam tangwa ya ka rai chong ko haka MDA.
Da ong u wa hadooh katni ym pu ye wow ong iyi iyi leh ya kani ka kaam Lamphang ka yung dorbar neibhah wa daw yaklam lang ha ka MDA kawa em ka NPP, UDP, PDF, HSPDP, NCP wa ki MLA samen.
Ha i jooh i por da kyntait u leh wow klam iyi iyi hajrong ka yurim wa ka NPP ka yieñ ko ha ka Election chiteiñ samoi ka wow pynman ha Shella ha ki bnai wow wan. Da ong u wa ka Party daw yachong yaklam ko hajrong kani ka kaam.
Discussion about this post