Shillong: U MP ka BJP ha Rajya Sabha u Rakesh Sinha da ong u wa emkaam wow pynneh wei wow pynkhlan ya ka spah ka jaitbru wot hapyrdi i wan hiar thma ki juk stat katni.
U Rakesh toh MP uwa da klam ha Parliament wow pynneh wei wow tipmit da ka UNO ya ka sur rwai wa jooh leh da ki bru kam ka chnong Kongthong wa kiwi kiwa em ha katai ka thaaiñ. Da pait u yaka chnong Kongthong ynnin ka sngi wow yachem ya ki paidbah wei wow thooh yutip ya kani ka sur rwai, kawa yasriem kam ha North Turkey.
Kam wow kdaw heini wa ym du ka Kongthong tangwa em ki boon tylli ki chnong ha ka thaaiñ ka them Wahrew kiwa pynemkaam da i sur rwai wow khut ya kiwon kiwon wei ini toh deiwa leh da ki longchwa manchwa da slem bah.
Hawa yaklam wa ki laad pathai khubor ynnin ka sngi, u Rakesh da ong u wa da kyntu u ya u Vice Chancellor ka NEHU wow pynmih ya kawi ka chnat kawa yatoh waka dustur riti yong ka jylla Meghalaya, chibynta wow thooh bniah ya ka spah yong ka dustur riti ha ka jylla.
Da ong u wa ka juk stat ym toh u kylliang ko ya ka spah tynre wei ka sorkar hawa pynkrehkaam ko ya ki tiar Technology, toh u pynneh leh ya i iwa da leh yong tynre.
Discussion about this post