Jowai : Ka East Jaiñtia National Council (EJNC)-Jyllaphet Unit, lyngba u President u E. Chyrmang da pynsniaw ki yei sñiawkhia hei yatoh wei chah dawa poisa u Waheh Chnong ka Jyllaphet, East Jaiñtia Hills.
Da ong ka EJNC wa em ka seiñ wa tip kamka East Jaiñtia Examinary Army (EJEA) da leh ki yeini i kaam dawa poisa wei ka seiñ da pynrem joor ko yeini i leh ka EJEA iwa pyrchang u knieh yei khih i khan ki paradoh parasnaam khamtam ha kini ki por wa ki paidbah em ki i eh hei khih i khan ha waroh ki liang.
Da maham joor ka EJNC-Jyllaphet Unit ya kiwon kiwon ki bru wa leh ya kam kini ki kaam kamjooh leh ya kiwon kiwon wa pynthut yei chong suk chong saiñ ka chnong ka thaw.
Neiliang u ma Sambormi Lyngdoh, General Secretary EJNC-Central Council, ong u wa i daw wa mih kam kani ka seiñ kieñ suloi toh wa khang ka NGT yei tih wei khayi Mooyong.
Kamtæ da kyntu ya ka sorkar yow leh ko yeiwa emkaam yoh u lait na i jia wa sñiawsih cha kani ka thaaiñ.
Uni u Waheh Chnong da chah dawa poisa u T. 2 Lak ha ka EJEA wei da phah thap ya kani ka poisa ha ka Bank Account yong uwi u bru wa tip kam u Lalrivunga Ralte Zawlnuan.
Discussion about this post