Jowai : I awri awra yaknieh chuki hapoh ka Jaiñtia Hills Autonomous District Council (JHADC), da sdang biang hadien wa u Chairman ka Council u ma Laitsing Shylla khlem poipyrkhat da ieh u yaka chuki u ynne ka sngi hadien wada e u yaka chithi iehnohkaam ha u Deputy Chairman, u ma Hopingstone Bareh.
“Naki daw wym ye u kiar da iehnoh O yei kaam Chairman ka JHADC ynne ka 4 tarik” da ong u ma Laitsing Shylla haka chithi cha u Dy. Chairman ka Council.
Neiliang ki bru wa tikna da ong wa ka High Level Committee yong ka MPCC ha kini ki sngi wada dep da phah hajir ka oo u ma Laising Shylla wei da hukum ko wow iehnoh u yeikaam kam u Chairman ka JHADC.
Kamwow pynkynmoo heini haka dorbar wa khaddooh ka Council hapoh u ma Thombor Shiwat kam u Chief Executive Member (CEM) da chah phiah ko arliang, chilliang ka dhab u ma MB Rymbai wa u Dy. CEM, u ma Awhai Andrew Shullai wa chibhah won yong u ma Thimbor Shiwat. Heiwa ka dhab u ma MB Rymbai da rem ko heiwow pynhiar ya u ma Thombor Shiwat naka kyrdan kam u CEM.
Discussion about this post