Yachem u Conrad wa u Montri ka sorkar pyrdi heiyatoh wa i kaam psan sniang

Shillong: U montri rangbah ka jylla, u Conrad K. Sangma chirup wa u symbood montri rangbah ka jylla uwa pait leh ya ka Animal Husbandry and Veterinary u Prestone Tynsong ynne da yachem ki ya u montri ka sorkar pyrdi wa pait ya ka Fisheries, Animal Husbandry and Dairying u Giriraj Singh ha New Delhi. 

U Conrad da pynsñiaw u ha u Giriraj heiyatoh wa ka Piggery Value Chain kawa yatoh wa i psan sniang kawa da wanrah da ka sorkar jylla yeiwa u montri ka sorkar pyrdi da yaroh bha u deiwa kular wow kyrchaan yeini iwa leh ka sorkar jylla.

U Conrad wa u Prestone da pynsñiaw ki yei thmu wa i kaam wa yatoh wa i psan sniang hapoh jylla wa ka thaaiñ mihsngi wei i ye wow chalan ya ki sniang wa ki mar wa pynmih na ki sniang cha baar ri kam cha Thailand. 

Neiliang Giriraj Singh da kyntu u wa emkaam wow psan ya ki sniang katkam i stat ka juk wa katni wei wow wanrah ya ki Breeding Farm hapoh jylla wa kiwi kiwi. 

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da e yumut u leh wow wanrah ya ki Moringa Pig Feed heiwa ka sorkar pyrdi bien ko wow e yarap pura, wei wa ka chnat yong oo u yarap wei u kyrchaan ko katwa ye ya ka sorkar jylla.

Ha kani ka yachem da emlang leh ki sahep na ka Ministry and National Cooperative Development Cooperation (NCDC).