Shillong: U montri rangbah ka jylla, u Conrad K. Sangma chirup wa u montri i chait i khiah, u AL Hek ynne da yachem ki ya u montri khynnah ka sorkar pyrdi (Independent Charge) Youth Affairs and Sports, u Kiren Rijiju ha Delhi.
Ha i yachem wa chi kynta ha yung u Rijiju, u Conrad da pynsñiaw u yei pynkhreh ka jylla neibynta ka National Games 2022 wei iyi da leh ko neibynta wow pdiang ya kani ka lympung.
U Conrad da paan yarap poisa u leh na ka sorkar pyrdi wei da batai che leh yeiwa thmu ka sorkar wow leh neibynta kani ka lympung, yeiwa u Rijiju da kular u wow kyrchaan pura ya ka sorkar jylla.
Hadien ka yachem da chong yalang leh wa u Secretary, Ministry of Sports wa u Director General Sports Authority of India.
Neiliang u Conrad da ong u wa ka yalang da man ko kawa jop heiwa ka Ministry of Sports da kular ko wow kyrchaan ya ka Meghalaya ha kani ka lympung.
Neiliang u Hek da ekti u ya ka dorkhat ha u Rijiju wow pynmiat ya ka Shillong Golf Course ka wow dap 100 snem ha u 2024.
Discussion about this post