Ha ka 4 tarik u Naikhynde u rai ka Core Committee ya u kyrtong wow man Lamphang

Shillong: Ka Core Committee wa da thung da ka sorkar Meghalaya Democratic Alliance (MDA), ynne ka sngi da chong ki ya ka yalang wa nyngkong neibynta wow jied ya u kyrtong wow chimkti ya ka chuki Lamphang ha ka yung dorbar ka jylla. Kani ka Committee kawa em 4 ngut ki MLA kam ki dkhot wei kawa da khlieh da u symbood montri rangbah, u Prestone Tynsong kam u Chairman da kyntait ki wow pyntip ya i pyrtuid næ i tyrwa na i bynta katai ka chuki.

U Tynsong da ong u wa kani ka Committee daw chnong biang ko ha ka 4 tarik u Naikhynde wow yaklam ya kani ka kaam wow ya rai khaddooh wei daw rah ha kani kajooh ka sngi hakhmat ka MDA ka wow chong biang ya ka yalang ha i por 7 waje i janmiet.

U Prestone da kyntait u leh wow pyntip wa ki Party da phah ki næ ym em ya i pyrtuid yong ki kyrtong neibynta katai ka chuki, tangwa da ong u wa i kaam yong ka Committee man bait ko wow yoh da u kyrtong wa hunlang da waroh ki Party næ ki seiñ wa em ha kani ka sorkar.