Jowai: Ha ki yalehke 2nd Division wa ka 1st Division ka WJDA wa pynman ynne ka sngi, ha waroh ar ki yalehke da kut ki khlem em wa jop.
Haka 2nd Division kawa tip leh kam ka 3rd Debo Shullai Memorial Trophy, ka yalehke hapyrdi ka Lumpyrtuh Mihmyntdu waka Dongmihsngi da kut ko da 1-1.
Yaka Lumpyrtuh da thap kool da u Haphilabet Ryngkhlem haka minit wa 28 katwa yaka Dongmihsngi da thap da u Pyntip Papang haka minit wa 36.
Haka 1st Division kawa tip leh kam ka 9th Chatister Kharkongor Memorial Trophy, yalehke hapyrdi ka Lumpariat waka Wahiajer da kut ko da 3-3.
Yaka Wahiajer da thap kool u Pynkhreh Talang haka minit wa 27, u Samelyroi Phawa haka minit wa 78 wa u Heimon Dkhar haka minit wa 84.
Yaka Lumpariat da thap kool da u Numon Sukhlain haka minit wa 47 wa 73 wa u Kynmaw Dkhar haka minit wa 52.
Discussion about this post