Delhi: Ki chipai suiñ ka ri, ka Indian Air Force (IAF) ynne da chimkti ko ya ki phra tylli ki Apache AH-64E Attack Helicopter ha ka yalang wa pynman ha Air Force Station Phathankot.
Kini ki Helicopter toh kiwa da chna ha ri USA wei daw yarap ko chiboon ya ka IAF kawa dang pynemkaam da ki Mi-35 kiwa na ka ri USSR wa nachwa.
Kini ki Apache AH-64E toh kiwa da chna katkam ki stat ka juk kawa katni i wow pynkhlan chiboon ya ka IAF da ong u Air Chief Marshal B S Dhanoa.
Ka IAF lyngba ka sorkar pyrdi da thied ko 22 tylli kini ki Apache wei daw ekti ya ki waroh ha u Wisu 2020 wei da soi ya ka soskular wow thied ya ki na ka Boeing Ltd. USA ha u Naikhynde 2015.
Kini ki Apache toh kiwa ye u hær heiwon iwon i por (24 kynta) la ha u slap næ la-ær wei ye ki u chakri rap boon snem.
Ya kini ki Apache u pynpsiah cha ka 125 Helicopter Unit ‘Gradiators’ yong ka IAF.
Ki Apache Helicopter ye ki wow rah ya ki tiar thma kiwa ha rukom kiwa kynthup ya ki Air to Ground Hellfire Missile, 70 MM Hydra Rockets wa ki Air to Air Stinger Missiles kamjooh leh kawi ka 30MM Chain Gun wa 1200 tylli ki kuli.
Discussion about this post