15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pynbaad u Dr. Mukul wa emkti baam-tooh ha MeECL da ki bru wa em hei bor

0 Comments
Advertisement ad1
Advertisement ad1
Advertisement ad1

Shillong: Uwa yahkhmat ka liang pyrchah uwa man leh u montri rangbah warim ka jylla, u Dr. Mukul Sangma da beiñ u ya ka sorkar Meghalaya hajrong i wymye krehkaam ka chnat bordiñ, ka Meghalaya Energy Corporation Ltd. (MeECL) deiwa pynbaad wa kani ka chnat joor du i baam-tooh wa emkti lang ki bru kiwa em hei bor.

Hawa yaklam wa kiwa pathai khubor u Dr. Mukul da ong u waroh tip ki wa ka MeECL ymye ko wow pynbiang pyn daka yaka hi ya ka poisa wei ha ki por wa dadep boonsien ka sorkar jooh pynlait im ko ya kani ka chnat kawa emkaam tam neibynta ki paidbah.

Advertisement ad1
Advertisement ad1

Da ong u wa heipor wa pynkrehkaam ya ki Scheme ka sorkar pyrdi haap pait ko katwon i e poisa na ka sorkar India wei katwon wa haap pynlut da ka sorkar jylla, tangwa kamwa man katni ki Scheme waroh da chah baam-tooh ki dei sooh buit ki bru kiwa em hei bor.

Da ong u wa i baam-tooh sdang i nadooh wa khut ya ki Tender khnang wow e myntoi ya ki bru yong kiwa em hei bor.

U Dr. Mukul da ong chooh chooh u wa ka jylla da hiar bha ko ha i liang i em poisa wei kammon u e poisa ko neibynta wow pynkrehkaam ya ki Scheme waphær waphær katkam i angnood ki paidbah, khamtam hei wow pynlait ya ka poisa wa sahteiñ yong ki Contractor kiwa pynkreh ya ki kaam yong ka sorkar.

Da ong u wa ka sorkar pynchlur ko wow kreh ya ki kaam yong ka katwa ka poisa won ym em wow su ya ki, ini i leh daw ktah i ya kiwi won ki kreh yong ki hi tangwa daw yang bait ki wow yoh kreh ya ki kaam sorkar.

Advertisement ad1
Advertisement ad1

0 Comments

Leave a Reply