Shillong: U montri ka chnat i chait i khiah, u AL Hek ynne hei emlang ka Theilin Phanbuh, Chairperson, Meghalaya State Commission for Women (MSCW), Dr. A War, Director of Health Services (MI), Dr. LM Pdah, Director of Health Services (MCH& FW) cum Joint CEO Megha Health Insurance Scheme (MHIS), Dr. B. Thangkhiew, Additional Medical Superintendent, Reid Provincial Chest Hospital, ki wakreh wa kiwi kiwi da wai u ya ki thaw kreh wa ki rukom chakri wa thymme hapoh ka Reid Provincial Chest Hospital, Shillong.
Kini ki thaw kreh wa ki rukom chakri kynthup ki ya ka Ultrasonography Centre, OPD Casualty wa ka Laboratory ya kiwa da pynkreh dei yoh yarap poisa lyngba ka PMJAY-MHIS, 2019.
U Hek hawa e yei klam wa tbian da e khublei u ya waroh ki Doctor wa ki wakreh kani ka thaw sumaar yei kreh chitom yong ki wow e chakri ya ki paidbah ka jylla.
Da kyntu u leh ya ki wakreh wow e ki yei chakri wa pura wei wow pynjanai yei e sumaar neibynta i myntoi kiwa wan chah sumaar ha kani ka thaw wa ka jylla hi waroh kawi.
Ha kani ka sngi u montri wa ki sahep da pynlait u ya ka kot lakdop wa e pyrtuid ‘Celebrating 6 months of PMJAY- MHIS 2019’ kawa da thoh ya ka parom wa lai luti i pynkrehkaam ya ka Phase IV yong ka MHIS ha ki 6 bnai wa dadep ha kani ka thaw sumaar.
Discussion about this post