Jowai: Ka Caroline Colony, Jowai ynnin ka sngi da pynman ko ya ka yalang wa tip kam ka Awareness Program on Solid Waste Management Cum Distribution of Code Bins namo i e sikai wa i saam ya ki thaw pyllang jhep kiwa jar jair i rong wow noh ya i jhep wa pyut wa i wym pyut.
Ya kani ka yalang da pynlai da u Chairman ka Environment & Sanitation (E&S) Committee, u R. Syndai heiwa da yoh ya ki kyntien pdiang burom na u AT Gatphoh uwa man kam u Waheh Chnong.
Ka R. Manner kawa man kam ka CEO ka Jowai Municipal Board kamjooh leh ka ADC ka WJH da man ko kam ka bru chemphang ha kani ka yalang.
Da yoh leh yei klam na ka D. Langstang, ka AMQ Lyngdoh, dkhot ka E&S Committee, ka P. Lyngdoh, Chairperson ka CCWWO wa na u K Pasi, Chairperson ka CCYWO.
Ha kani ka yalang da saam ya kini thaw pyllang jhep kiwa da bhah kyrpang wow pynyait ya ki jhep ki wym pyut na kiwa pyut cha waroh ki yung wa em hapoh ka Caroline Colony.
Ya ka yalang da pynkut da ki kyntien khublei na ka M. Laskor, Secretary ka E&S Committee.
Discussion about this post