Maisih wei sngoh miej u Saleng A Sangma ha ka yung dorbar neidaw wa sih u microphone

Shillong: I thut ki tiar pynsñiaw hawa klam namo u Microphone da pynman i ya u MLA ka NCP na Gambagre, u Saleng A Sangma wow pynmih noh u da i ktien sih ha ka dorbar wa da man ynne ka sngi deiwa sngoh leh ya ka miej hei chrai.

Ini da jia i heipor wa u MLA ka North North Shillong u Adelbert Nongrum, da yieñ u wow pynrap kylli hajrong iwa kylli u MLA ka Umroi u George B Lyngdoh wa yatoh wa i kajia pood wa ka Assam.

Ha ka dorbar ynne ka sngi u microphone da thut u nadooh wa sdang, wei heitæ i por u Adelbert da yieñ u wow pynrap kylli tangwa u microphone ym em u krehkaam u iwa da pynman ya u Deputy Speaker u dam u wow sñiaw yei kwah kylli u Adelbert wei da lai chaphrang wow pteiñ da kawi tawon ka phang kylli.

Heitæ i por u Saleng uwa da yoo wa u MLA ka KHNAM da yieñ u chwa wow wanrah da kawi ka phang kylli da yieñ u wow dawa na u Deputy Speaker wow elaad ya ki dkhot wow kylli heiwa da pynyoo u leh yei chrai ya ki bru wa pait ya ki microphone deiwa sngoh khyrnang ya ka miej. Hadien ini neiliang u Deputy Speaker da kyruiñ dien biang u deiwa elaad biang ya u MLA wow kylli pynche u yeiwa kwah u wow tip.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Deputy Chief Minister u Prestone Tynsong da yieñ u deiwa ong wa ka yung krehkaam u Speaker næ Deputy Speaker toh u pynbiang ko yei krehkaam ki microphone iwa da pynman ya u Deputy Speaker wow kular u chimkhia yeini.

Rap hadien u Lamphang warim ka jylla uwa man u MLA ka Congress, u Charles Pyngrope da pynsñiaw u yei sñiawkhia hajrong ki kyntien wa da pynmih da u Saleng deiwa kyntu ya kiwi ki dkhot wow kiar ki wow pynemkaam kam kini ki kyntien wa ktah yei burom ka yung dorbar.