Shillong: Ka chnat pulit ka jylla da chimkhia bha ko wow yakhun pyrchah ya i roi i drugs ha ka jylla wei yeini u Deputy Chief Minister, u Prestone Tynsong da jubab u hajrong i yaklam neibhah i drugs wei ya kani ka phang da wanrah da u MLA ka Congress na Mawlai, u Process T Sawkmie.
U Tynsong da ong u wa ki pulit da booh kyrpang ki soo tylli ki ksaw wa tip kam ki Narcotic Sniffer dei langær ha ki District jail wa em ha Shillong, Jowai wa Nongpoh ki wow syu leh hawa em i kynreh syndet ya ki kari.
Da ong u wa em 10 ngut ki pulit wa da booh kyrpang ha ka Anti Narcotic Task Force neibynta wow yakhun wei wow kem ya kiwa khayi drugs, kiwa saam leh ya ki yutip cha kiwi tawon ki District khamtam cha ki thaw khappood.
U montri da kular u wa ka sorkar daw pyndep noh ko ya ka Drugs Policy kamjooh wow wanrah ya ki thaw sumaar wa ki thaw syllok ya ki bru wa kyrni hei dih drugs.
U Tynsong da ong u wa em 5125 ngut kiwa da chah ktah ha u drugs hapoh ka jylla, wei em hadooh 59 tylli ki Case wa 92 ngut ki bru wa da chah kem.
Chwa wow e ya ini i jubab na u Deputy Chief Minister da yoh leh yei batai wa wanrah da u MLA ka Congress na Mawlai, u Process T Sawkmie wei da chimbynta leh da ki MLA ka liang pyrchah wa ki MLA wa em ha ka sorkar, kiwa kynthup ya u Geoge B Lyngdoh, HM Shangpliang, Meralborn Syiem, Adelbert Nongrum, ka Dr. M Ampareen Lyngdoh, Dr. Azad Zaman wa uwa yahkhmat ka liang pyrchah, u Dr. Mukul Sangma kiwa da sñiawkhia ya ini i kaam deiwa kyntu leh ya ka sorkar wow wanrah ya ki aiñ kiwa khlan wow pyndooh ya i drugs na ka ka jylla, wei wow wanrad ya ki laad yarap ya ki bru wa ngat ha i dih drugs.
Heijooh i por ki MLA da yaroh ki ya i kreh chitom ki pulit ha kini ki kajiak bnai wa dadep hei wow kem boon ngut kiwa khayi drugs wa heh wei wow khyrrup ya u drugs wa chondor da ki klur.
Discussion about this post