Rem i tyrwa ka Ampareen wow booh yaka Meghalaya yow man kyrpang hapoh ka riti synchaar ka ri

Shillong: Ka dorbar chna aiñ ka jylla Meghalaya, ynne da dawa ko wow pynkrehkaam hapoh ka jylla ya ki kyndon wow e yei kyrdan man kyrpang (Special Provision) ya ka jylla hadien wa pyndam yaka Article 370 naka Jammu & Kashmir.

Da sdang ya kani ka yatai-nia da ka Congress MLA na East Shillong, ka Amapreen Lyngdoh kawa da khut wow thap yaka Meghalaya hapoh ka Article 371 J ka Constitution ka ri.  

Da ong ko wa ha kini ki por da chem wa yaka Sixth Schedule da leh bakla yaka.

“Yaka Para 12 AB da ye u yada yaka ha kini ki por wa da dep katwa yaka Article 244 (2) ka Sixth Schedule won da booh yaka cha rood,” da ong ko.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong ko leh wa ka aiñ Mines and Minerals (Development and Regulation) Act, 1957 da booh ko hei ma ya i hok wa i man tre khamtam hapoh ka Sixth Schedule.

Da kylli ko leh wa lada ka IOA waka AA ye ki ko mo wow yada ya ki jaitbru ka Meghalaya.

U MLA ka Congress na Umroi, u George B Lyngdoh da ong u wa i pyndam syndet yaka Article 370 na Jammu and Kashmir pynyoo ko wa ha iwon iwon i por i hok yong ki jylla ye ki u wiar khlem da yaklam chwa.

Da e nongmuna u ya ki aiñ kam ka Citizenship Amendment Bill, Anti-Conversion Bill, Uniform Civil Code lada man aiñ ki daw ktah ko ya i hok wa i rukom im ki bru ri-loom.

Kamtæ da ong u wa lada ym em ki laad yada ya ki paidbah daw hap wow uiñ biang cha ka Instrument of Accession waka Annexed Agreement.  

U heh ka liang pyrchah, u Dr. Mukul Sangma da beiñ joor u yaka sorkar pyrdi wa ym sñiawthoh ko ya i boon ki jaitbru hapoh ka ri.

U District Council Affairs Minister, u James Sangma hawa e u yei jubab, da ong u hawa wanrah u Ardent Miller Basaiawmoit ya kani ka dawa (Resolution) wow wanrah yaka Article 371 tangwa pyn ka Congress wa pynrem ka hapoh ka yung dorbar.

U James da kylli u ya u Dr. Mukul Sangma heiwon i liang yeiñ u heiyatoh wa kani ka kaam hawa katni klam u mar dei khangtleiñ.

Da ong u wa i yabhah bor hapyrdi ki jylla waka sorkar pyrdi toh kawa da yaklam da slem wei ym emkaam wow pynsyier ya ki paidbah ha kani ka por deiwa ong leh wa ki montri ka sorkar pyrdi dei langær wan ki chapoh ka jylla yow sakhi ya ini dei khmat yong ki.

Da pynkut u deiwa ong wa man ko iwa bakla wow ong wa ka sorkar pyrdi chim lut ko ya i bor ki sorkar jylla.

Hadien ini da booh yaka Resolution wow pynkrehkaam yaka ka Article 371 J ha ka Vote wei da rem ko.