Shillong: Dei thmu wow pynku ya ka yoh khih yoh kreh ki khynroo khyllood ka jylla Meghalaya wei wow pynyoo laad ya kiwa ym em kreh cha kiwa miat tam ki jait khih, da pynman ya ka Placement Drive wa ar sngi ha ITI Rynjah, Shillong ha ka 9 wa 10 tarik uni u bnai lyngba ka chnat Labour Department hapoh ka “Supporting Human Capital Development in Meghalaya” (SHCDM) wa kyrchaan da ka Asian Development Bank (ADB).
Kani man ko kam chibynta yong ka Pre-Placement Drive wa pynman hapoh jylla wa da pynman ha Don Bosco Hall, Laitumkhrah, Youth Hostel, Shillong wa ha Dorbar Hall, Sajer, Nongpoh heiwa da thung kreh hadooh 415 ngut ki kyrtong. Na kini da em leh kiwa yoh u chah hikai pynpliah ha ka puræ Mechanical, Civil wa Automobile Engineering ha ri Japan.
Boon na kiwa chimbynta ha ka Interview toh kiwa pyndep puræ wot heiwa da em leh kiwa da yoh kreh na ki 4 tylli ki karkhana.
Kini ki karkhana wa wan da yaroh ki ya ki khynroo khyllood neibhah i chah jied namo chah thung kreh na kiwa chimbynta ha kani ka jylla man i hadooh 75% hawa wyrchaw wa kiwi ki jylla.
Da booh thong wa 2600 ngut wow yoh tulop man u bnai katwa da booh thong leh wow ye u seiñ kreh 500 ngut ha kylleiñ ka jylla.
Kani ka Placement Drive da kyrchaan da ka Project NGO, Aide et Action chirup wa ka IPE Global hei yakrehlang wa ka CII -the Managed Services Operating Partner chnat Labour Department, Government of Meghalaya.
Discussion about this post