15 49.0138 8.38624 1 0 4000 1 https://wyrta.com 300 0

Sakhi lang ka chnong Sabah Muswang yei wai paidbah u Modi yaka National Animal Disease Control Programme

0 Comments
Advertisement ad1
Advertisement ad1
Advertisement ad1

Jowai: Kamwa u Prime Minister ka ri u Narendra Modi, ynnin ka 11 tarik u Naikhynde da wai paidbah u yaka National Animal Disease Control Programme, Nationwide Artificial Insemination Programme and Swachhta Hi Sewa ha Mathura, yong ka jylla Uttar Pradesh, ha ri-loom Jaiñtia leh da wai paidbah yaka ha kajooh hi ka sngi ha chnong Sabah Muswang West Jaiñtia Hills hei pynlai ka chnat Krishi Vigyan Kendra Jaiñtia Hills chirup i ya krehlang ki chnat krehkaam Veterinary Office yong waroh ar tylli ki District ka ri-loom Jaiñtia ka East waka West Jaiñtia Hills.

Ka thong yong kani ka prokram toh yow pyndooh jait yei kjut ha ki mrad watip kam ka Foot and Mouth Disease (FMD) ne i kjut Khnap kawa yabi bha haki Masi, ki Mooid, ki Blang ki Langbrot wa kiwi ki jait wa ri nalor ki Sniang.

Neitæ ka kjut Brucellosis won toh ka jait kjut wa ktah yei yoh khon ki Masi weiwa kawa ye u ktah haroh yei chait i khiah yong u bru neibhah kani toh kawa yabi naki mrad cha u bru.

Da ong leh wa kini ki jait kjut wanrah ki yei doohnong heiliang i yoh i lah, neibhah na kani ka kjut Khnap waka Brucellosis wanrah ko hadooh 30-50% i doohnong heiyatoh i pynmih dud yong ki mrad, wei kiwa ri masi leh dooh nong ki hadooh kamwa T. 50,000 klur haka chisnem na kani ka jait kjut.

Heiyatoh neibynta u e yada næ yakhun pyrchah ya kani ka kjut, ka sorkar bei da e ko i kyrchaan 100% yaka sorkar jylla lyngba ka mang tyngka wa poi hadooh T. 13,343 klur neibynta 5 snem itæ toh nadooh u 2019 hadooh 2024, heiwa u pynemkaam da ki dawai inject næ tika yow ye u pyndooh jait.

Neiliang ki bru chemphang wada e i klam ha kani ka sngi da chim haroh ki ka bynta wow batai bniah yei rukom krehkam ka NADCP waki laad yarap wa toh u pynyoh neibynta ki mrad, nalor wow pait bniah yaki mrad.

Haka yalang wada pynlai da ka Dr. R. Sumer DVO Khliehriat da yoh ki kyntien pdiang na Dr. C.D. Sangma DVO Jowai, ki kyntien yahkhmat na u Dr. R. Suchiang, SMS (AH&Vet) KVK Jaiñtia Hills, i klam naka Dr. E. Passah, Senior AH&VO Jowai, na u Telme Phawa waheh chnong Sabah Muswang, u Dr. D. Paswet, Senior Scientist & Head KVK Jaiñtia Hills, Dr. L. Passah Senior AH&VO Khliehriat wa kiwi. 

Advertisement ad1
Advertisement ad1

0 Comments

Leave a Reply