Shillong: U montri rangbah, u Conrad K Sangma da ong u wa ka sorkar ymye ko wow e yarap næ su cha ki manyung yong ki bru wa khlaad nei jia wym poi pyrkhat mo accident neibhah wym em iwon iwon iwa da mang neibynta ini na kawon kawon ka chnat.
Da ong u wa ini i jia i man ka sngi wei lada ka sorkar mang ko wow yarap ya waroh daw chem chitom ko.
U montri rangbah da ong u yeini hawa jubab yeiwa pynrap kylli u MLA ka Congress na Umroi hajrong i bailutsan cha ki manyung wa khlaad na i haap ha ki thlu um (Ring Well) iwa da jia ha Mawdiangdiang ha uni u snem. Tangwa da ong u wa ka sorkar dang bichaaar wow thooh laad wow yarap ya ki.
Chwa ini u montri uwa pait ya ka chnat Disaster Management, u Kyrmen Shylla da ong u wa ka chnat ymye ko wow e yarap næ su ya ka bai lutsan cha kimanyung ki bru wa khlaad neibhah ym kynthup ko ha ki kyndon wa da booh da ka State Disaster Response Fund (SDRF) neibhah wa man ko i ya tyrrah kari. Da pynrap u leh deiwa ong wa lada toh kiwa da pynpsiah pyrtuid ha ka chnat Labour ye ki wow yoh yarap.
Neiliang u George u da dawa u wa ka sorkar toh u pynchitom ko deiwa khor ya ki Contractor ki wym em i bahkhlieh neibynta i chngaaiñ kiwa khih mylla.
Discussion about this post