Jowai : Da ki bnai kattu ki dong wa ki chnong wa em hapoh ka Thadlaskeiñ Block wym em u yoh ki yaka poisa wa da bynta ya ki neibynta ki kaam pynroi hapoh dong poh thaw hanlada dep e ki yaka Uticilization Certificate.
Heiyatoh weini neiliang u Wyrta da yachem u wa u BDO ka Thadlaskeiñ Block u ma M. Lyngdoh yow yoh i che na oo hei yatoh weini i sahteiñ wow pyllait ya kani ka poisa.
Neiliang u ma Lyngdoh da pyntip u wa u sahep JE, u ma P. Sukhlain uwa toh u pait ya ini i kaam da sangeh u wow wan kreh kattu la kamwa ynru bnai naki daw wym em i doh i pran u hei chait i khiah itæ i daw slem u pyllait ya kani ka poisa cha ki dong wa ki chnong.
Heijooh i por neiliang u ma Lyngdoh da ong u wa yooluti wa nadooh uni u bnai wow wan u ye u pyndep ya ki kaam wa dang sah neibynta i bha i miat wa i roi i paar.
Da ong u leh wa da jooh pyntip u leh cha ki bor district wa ka sorkar hei yatoh weini i kaam, khnang wow ye ki u leh yeiwa emkaam.
Ka Office u BDO ka Thadlaskeiñ Block man ko kawa em boon i thrang wow pyndep yaki kaam pynroi hapoh u pood u ang yong ka tangwa hawa kam ini i jia wa chim chuti kiwa kreh chiboon ki kaam man ki kiwa sahteiñ.
Discussion about this post