15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Kem ka Dorbar Chnong Mustem ya uwa dat bom diñdamait ha tymbud wah Umpathoo

0 Comments
Advertisement ad1
Advertisement ad1

Jowai : Ha kani ka 9 tarik wa da dep ki wachong chnong Mustem da yoh khubor ki wa em wa tynyap khiar ya ki dakha deiwa tympdung diñdamait ha ka wah.

Kiwa chong chnong da thooh tre ki yeini neibhah kani ka wah la le snem da khang pyrchah wymhoi u khwe dakha, noh jar, bær bih wa kiwi ki wow tynyap ya ki dakha.

Kani ka wah da tip leh kam ka Umblooh, Phalloh Khla ha ki bynta wa phær yong ka wei yachem ko wa ka wah Mynkjai. Kani ka wah man ko kawa khooid wa jngiar wei ym pu em chah ktah ko ha u mooyong. Kamtæ neiliang ka chnong da pyrchang bha ki u yada ya ka kamjooh leh ya ki khloo wa em harood yong ka leh da mana wa ym hoi de u pam dieñ.

mustemum

Ynnin ka sngi won da yoh yutip wa tikna kiwaheh chnong wa em wa sakhi ya uwi u bru wa tip kam u Marwon Sumer wa sah ha chnong Mudur wa dat bom u ki dakha ha kiwa boon ki bynta kani ka wah. Kamtæ kiwa heh ka chnong Mustem da lai ki cha yung uni u bru wei da chem ki leh ya ki diñdamait (dynamite) na yung u deilang wa ki dakha wa dang dep synang.

Ka chnong da phah su ko ya oo T. 20,000 hapoh 9 waje i step yong ka 12 wei lada ym leh u yeini daw e kti noh ya oo cha ki pulit.

Share this:
Previous

Sah ka poisa ha ka Office BDO wa pep kreh u JE

Next

Ka result ka Tiger Five Ynne ka sngi