Jowai: Khynde tylli ki masi da yap ki ha i jooh i por na i chah pam pyrthat ha Lumsuri hajan ka chnong Lumshyrmit, East Jaintia Hills District. Ini da jia i ynnin ka 20 tarik heipor kamwa 12:30 pyrdi sngi.
Katkam wa pyntip u Plidar Dkhar da ong wa u pyrthat da pam u ar sien ya ki masi kiwa em ha ki ar thaw wa marjan, heiwa khynde tylli ki masi da yap ki pyn ha i thaw wa em ki katwa khadwi tylli won da lait im ki. Neiliang u Plidar Dkhar da ong u wa i dooh nong da poi ko cha ki lak tyngka na i yap kini ki masi.
Hajrong ini i jia, neiliang u Plidar da dep u wow ujor leh da ka FIR ha Lad-Rymbai Out Post wei ha i jooh i por leh da kyrpaad u ya ki bor wa toh u pait wow yarap katkam ki kyndon aiñ hajrong ini i jia.
Discussion about this post