Jowai: Katkam wa pyntip ki pulit, haka 17 tarik uni u bnai ki pulit ka Anti-Narcotic Task Force (ANTF) ka Superintendent of Police, East Khasi Hills waka Mawngap PS da yoh kem ki 298.16 gram i drug Heroin kiwa da chem ha kawi ka muna kawa da ieh ha rood sarok hajan kawi ka dukan cha wa em ha Pomlum 7th Mile Upper Shillong. Da em wa leh ya ini neidaw wa pynman ki pulit ya i pynsangeh kari da ki pulit ka ANTF hadien wa yoh yutip ki wa em ka ya dai ya thied drug ha thaaiñ 7th Mile.
Ki pulit da ye ki wow chemdien ya ini deiwa tip ya i number kawi ka Local Taxi kawa em ya u number ML05-G-7902 kawa pynemkaam wow wanrah ya ini i drug cha Pomlum. Hadien 48 kynta i thooh ya kani ka kari da yoh kem ya uwa yah kari uwa tip pyrtuid kam u Kitborlang Ryntathiang (27 snem) na Lumparing, Kynjatphutbol.
U Kitborlang Ryntathiang da yah u ya ki pulit cha uwi uwa khayi drug (Middle Man) uwa tip pyrtuid kam u Rishan Pyngrope (29 snem) uwa na Lumparing, Kynjatphutbol, uwa da yah won ki cha u bru wa wanrah ya ini i drug uwa tip pyrtuid kam u Rinku Saikia (25 snem) uwa khut siñ leh kam u Roy wa u Babu uwa na Nongrim Hills, Shillong. Hapoh 60 kynta ki pulit da yoh ki wow kem ya waroh kini ki le ngut kamjooh yaka kari wa pynemkaam.
I kem ya kini ki drug toh napoh ka dukan cha wa khia 111 grams wei na rood sarok wa khia 187 gram.
Neiliang ka C.A. Lyngwa, IPS, Superintendent of Police, East Khasi Hills, Shillong da yaroh ko ya ini i kreh chitom ki pulit iwa da ye wow pyndooh sa iwi i rukom khayi drug hapoh Shillong.
Ka takit dang lai ko chakhmat yow chem chooh ya kiwi kiwa emkti ha kani ka kaam.
Discussion about this post