New Delhi: Dei thmu wow pynkhlan ya ki tiar siat ki chipai suiñ ka ri namo ki Indian Air Force (IAF) ka Defence Research and Development Organisation (DRDO) da kreh ko wow chna ya ki tiar kiwa katkam ka juk kawa katni heiwa ha kani ka kynti da siat ko ya u namdiñ (Missile) lyngba ka lieñsuiñ u wow mang ya iwon iwon iwa hær namo Beyond Visual Range Air-to-Air Missile.
Uni u namdiñ uwa da e pyrtuid Astra da siat ya oo lyngba ka lieñsuiñ yapam ka ri, ka Sukhoi Su-30 MKI heiwa da siat ya oo san sien ha ki le sngi (16-19) na kini ki lieñsuiñ yapam.
Ya kini ki namdiñ da siat hajrong duriaw hajan ka chnong Chandipur wa em ha jylla Odisha.
U Astra ye u wow hær hadooh i jngai wa palat 100 km wei man u uwa da pyndait ya ki tiar wow yah luti ya oo hawa hær u hadien wa da siat ya oo namo wa tip leh kam ki ‘Modern Guidance and Navigation’ i wow yarap ya oo wow hær u deiwa tne ya ka thong.
Neiliang u G. Satheesh Reddy, uwa man leh kam u Secretary ka Department of Defence R&D and Chairman, DRDO da e khublei u ya kiwa emkti wow chna ya kam uni u namdiñ uwa man leh katkam ka juk wa katni.
Discussion about this post