New Delhi: U khlieh dooh yong ka Indian Space Research Organisation (ISRO) u K. Sivan da ong u wa ha u Kmaichonglad (December) 2020 daw phah ya ka lieñsuiñ kawa khlem bru (Unmanned Human Space Plane) wa nyngkong dooh ka ri cha haw-haw (Space) kam chibynta yong ka Mission Gaganyaan.
Ka thong yong ka Gaganyaan toh wow phah ka ri India da u bru cha haw-haw wei daw yarap ko wow pynku ya i stat Science ka ri wa kiwi kiwi ki bynta.
U Sivan da ong u wa ka sien wa ar won wow phah biang ya kani ka lieñsuiñ cha haw-haw toh ha u Naiynñiaw 2021.
Da pyntip u leh wa hadien ini waroh ha u Kmaichonglad (Dec) 2021 ka ISRO daw phah ko ya u bru na ka ri cha hawhaw lyngba ki tiar wa da chna pyn hapoh ka India wei waroh kreh chitom ki wow poi ha kani ka thong.
Kam wow pynkynmoo heini, ha ka 28 Naisan uni u snem ki chipai Indian Air Force (IAF) da soi ki ya ka soskular (MoU) wa ka ISRO wow jied ya ki bru wei wow hikai (Training) ya ki neibynta kani ka Mission Gaganyaan. Heiwa u AVM RGK Kapoor, ACAS Ops (Space), IAF da ekti u ya kani ka soskular wa dadep soi ha u R Hutton, Project Director ka Gaganyaan Programme.
Neiliang won ka IAF ha ka tayaw wa nyngkong uni u bnai da pynbna ko wa dadep jied ko ya 10 ngut ki Pilot hapoh ka bynta wa nyngkong (Level-1) neibynta ka Gaganyaan, heiwa na kini wer pa wer daw jied ya uwi donhi wow hær cha haw-haw.
Discussion about this post