Daw pynman yaka General Meeting ka Seiñ Kur Shadap Manar

Jowai: Ka Seiñ Kur Shadap Manar East Jaiñtia Hills Narwan Unit, daw pyman ko yaka General Meeting yong ka, haka 05-10-2019 heipor 10:00 waje i step, ha Community Hall (Yung Dorbar) Narwan Neiñshnong, East Jaiñtia Hills, neibynta wow phyllu yumut wa yatoh wa ki kaam yong ka Kur khamtam ka bynta wow chna ya i motdur (Statue) yong ka Syiem Latympang Shadap Manar ha Lumtiniang Park (Mowtyrchiah) iwa man leh kam chibynta wow pynsahnaam ya i chlur wa i stat yong ka wow yahkhmat yaki them ki raiot yong ka Hima Manar haki por wa nachwa khnang wa ki pateiñ ki wow wan u tip ki ya i chlur wa i stat yong ka kam kawa yahkhmat.

Nalor ini, ha katai ka General Meeting ka Seiñ Kur Shadap Manar, daw yaklam leh ya chiboon ki phang wa yatoh wa i bha i miat wa ka roi ka paar yong ka Kur Shadap Manar, kawa haap hapoh i kdup yong ka Seiñ Kur Shadap Manar East Jaiñtia Hills Narwan Unit.

Ha katai ka yalang daw emlang leh kiwa yahkhmat ka Seiñ Kur Shadap Manar East Jaiñtia Hills Narwan Unit.

Kamtæ ka Seiñ Kur Shadap Manar East Jaiñtia Hills Narwan Unit, da khut lang ko ya waroh ki Kur Shadap Manar kiwa haap hapoh ka Seiñ Kur Shadap Manar East Jaiñtia Hills Narwan Unit wow ya wan khlem pep cha katai ka General Meeting yong ka seiñ, khnang wa ka yalang wa ki kaam ki wow yaklam u man ki kiwa lai bait lai ryntih kamjooh yow man ko leh kawa phooh wa phieñ neibynta i myntoi wei khamtam yow pynman kaam ya i thmu neibynta ki kaam wa khroo yong ka Syiem Latympang khnang wa ym wiar ki parom wa i chlur yong ka.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Ini toh katkam wa pyntip u Kartic Shadap Manar.